استشارات تسويقية وإشراف على المحتوى
كل مسار معاي يبدأ من جلسة التشخيص. ما فيه باقة تنباع قبلها.
الجلسة مع محمد شخصياً.
الكاميرا تفتح الباب، والاستراتيجية هي اللي تبيع.
أرتب معاك القرارات اللي قبل المحتوى: الهدف، والعميل، والرسالة. وبعدها كل ريل وكل حملة تشتغل باتجاه واحد.
ليش التشخيص أول؟
أي شخص يشتغل معاي، أول شي أسويه أراجع أرقامه ووضع مشروعه قبل ما أقول له كلمة عن المحتوى. لأن الريل، والتصوير، والحملة الإعلانية، كلها آخر خطوة. اللي قبلها هو اللي يقرر إذا الفلوس بترجع لك عملاء، أو بتروح مشاهدات. عشان كذا الطريق معاي ثلاث درجات، وكلها تبدأ من نفس النقطة: جلسة التشخيص.
الدرجة الأولى
جلسة التشخيص
ساعة وحدة تطلع منها وانت عارف وين الخلل بالضبط، وشنو أول ثلاث خطوات تسويها.
احجز جلسة التشخيصالدرجة الثانية
الإشراف الشهري
أكتب لك خطة الشهر وأمشي معاك على تنفيذها أسبوع بأسبوع. أنت تنفذ، وأنا أوجه وأراجع وأعدل.
احجز الإشراف الشهريالدرجة الثالثة
باقة الشريك
قسم تسويق كامل بدون رواتب، وأنت بس تجي تصور. ثلاث شركاء فقط، برنامج ٦ أشهر.
يشمل: سكريبت لكل ريل، تصوير ومونتاج، إدارة الحساب كامل، خطة شهرية، متابعة يومية، اجتماع شهري، وتقرير مكتوب.
كلمنا عن باقة الشريكما تدفع مرتين على نفس الشغل.
قيمة جلسة التشخيص تحتسب من الإشراف الشهري أو باقة المحتوى أو باقة الشريك إذا وقعت خلال أربعة عشر يوم من الجلسة.
الدرجة الأولى
جلسة التشخيص
ساعة وحدة، حضوري أو أونلاين، تغير طريقة نظرتك لحسابك. بدل ما تجرب وتخمن وتصرف على محتوى ما تدري ليش ما جاب نتيجة، نجلس ساعة ونحط إصبعنا على الخلل الحقيقي، ونرتب خطواتك الجاية.
قبل الجلسة
بعد الحجز يوصلك رابط الدفع بالواتساب، وبعد الدفع يوصلك الاستبيان. أحتاج منك رابط حسابك على الانستغرام، وخدماتك وأسعارك الحالية، وطريقة الحجز أو التواصل بمشروعك. الاستبيان خمس دقايق تعبئة، أقراه قبل ما نلتقي عشان نبدأ الجلسة من التشخيص مباشرة ووقتك كله يروح على اللي يفرق.
داخل الجلسة
- نحدد هدفك التسويقي للثلاثين يوم الجاية: استفسارات أكثر، أو مبيعات، أو رفع سعر، أو بناء ثقة.
- نحدد عميلك المثالي: منو هو، شنو يبي، شنو يخاف منه، وشنو يخليه يثق فيك.
- نراجع حسابك على الانستغرام كأني عميل أول مرة يفتحه: البايو، والهاياليت، والكابشن.
- نطلع بأفكار محتوى مرتبطة بالبيع مباشرة، مو محتوى للتفاعل بس.
شنو تستلم
خريطة التسويق الخاصة بمشروعك، بنفس اليوم. صفحة وحدة مركزة فيها خلاصة الساعة كاملة:
- 1
الهدف: شنو نبي نحقق خلال ثلاثين يوم.
- 2
العميل المثالي: بجملة وحدة واضحة.
- 3
الخلل الحقيقي: وين المشكلة بالضبط.
- 4
أول ثلاث خطوات: تبدأ فيها من بكرة.
- 5
المسار الأنسب لك: تكمل بروحك، أو بإشراف، أو بشراكة. وبعد الجلسة عندك أربعة عشر يوم لاختيار مسارك، والجلسة تحتسب من سعره.
بعد الجلسة: أسبوع كامل، أي سؤال يخص اللي ناقشناه أجاوبك عليه عبر الواتساب.
الدرجة الثانية
الإشراف الشهري
شهر كامل أكون مشرفك التسويقي. أنت تنفذ، وأنا أخطط وأوجه وأراجع وأعدل. الفرق بين خطة على الورق وخطة تشتغل هو المتابعة: أكتب خطة الشهر وأمشي معاك أسبوع بأسبوع، ونغير المسار حسب اللي يشتغل معاك فعلياً، مو حسب النظرية.
شكل الشهر
- جلسة تأسيس حضورية داخل الكويت ببداية الشهر، من ستين إلى تسعين دقيقة، نحط فيها خطة الشهر.
- ثلاث جلسات مراجعة أسبوعية أونلاين، كل وحدة ستين دقيقة.
- متابعة خلال أيام العمل الرسمية عبر الواتساب.
شنو يشمل الإشراف
التأسيس
- خطة الشهر مكتوبة: الهدف، والجمهور، ومحاور المحتوى، وتقويم النشر.
- ترتيب خدماتك وعروضك وطريقة عرض أسعارك.
- حسابك على الانستغرام: البايو، والهاياليت، وقالب الكابشن.
المحتوى والنشر
- أفكار للريلز وللستوري مرتبطة بالبيع، وتوجيه أسلوب الطرح عشان يصير واضح ومقنع.
- مراجعة الفكرة والكابشن والدعوة للتواصل قبل النشر. ما ينزل شي قبل ما أشوفه.
- متابعة إطلاق الحملات الإعلانية مع الإرشاد، والميزانية تدفعها مباشرة للمنصات.
نهاية الشهر: تقرير مكتوب، شنو اشتغل، شنو ما اشتغل، وشنو نعدله للشهر الجاي. تبني عليه، مو تبدأ من الصفر.
وإذا تبي التنفيذ كامل بدون أي شغل عليك
عندك مسارين من أون سبوت: باقة المحتوى، سكريبت لكل ريل وجلسة مواضيع شهرية. أو باقة الشريك، قسم تسويق كامل يدير حسابك وأنت بس تجي تصور، ثلاث شركاء فقط.
هذا الطريق مناسب لك إذا
- عندك مشروع أو عيادة أو مهنة قائمة، وتبي التسويق يجيب عملاء مو تفاعل بس.
- تتعامل مع حسابك كمشروع طويل، مو حملة أسبوع.
- ما تدور أحد يوعدك بأرقام. ما أوعد بأرقام، واللي يوعدك بأرقام يبيع عليك.
شلون تبدأ
تحجز جلسة التشخيص من الموقع وتختار موعدك من التقويم.
يوصلك رابط الدفع بالواتساب، وبعد الدفع يوصلك الاستبيان ونحدد مكان الجلسة.
بعد الجلسة تستلم خريطتك بنفس اليوم، وتختار مسارك خلال أربعة عشر يوم.